Rēziknis Augstškolys folklorys ekspediceja nūtiks Baļtinovys nūvodā
Rēziknis Augstškolys studenti i pasnīdzieji jau 11. reizi dūsīs folklorys ekspedicejā, šymā reizē – pi baltynovīšim, kas vyspuorzynomi kai eistyni Latgolys patrioti i tradicionālu zynuošonu turātuoji.
Ekspedicejis tema – Tradicionalī iedīni. Ekspediceja nūtiks nu 25. juņa da 1.juļa, kod studenti īpazeis Baļtinovys nūvodu i ļaudis, dūsīs gostūs pi baļtinovīšim, vaicuos pēc jūs pīredzis, stuostim par tū, kū jī ād dažaidūs svātkūs, kū kasdīnā, kaidus iedīņus pīmiņ nu bārnu dīnom, kaidi populāri šymūs laikūs, kaidys ir sovys "firmys" receptis, kaidi ir lobys apetitis nūvēlējumi, kai pasateic par ēdīni i citi.
Sova interese šymā vaicuojumā ir ari myusu sadarbeibys partnerim – Pleskovys Universitātis studentim i pasnīdziejim, kas taipat raudzēs izzynuot kū, kod i kai ād krīvu volūdā runojūšī Baļtinovys nūvoda īdzeivuotuoji. Ar napacīteibu gaidom tikšonūs, ceram iz baļtinovīšu atsauceibu!
Pēc ekspedicejis raudzēsim sagatavot i pyrma baļtinovīšim paruodēt DVD filmu, kur byus radzama ekspedicejis gaita, cylvāki, ar kurim runuosim, myusu senejos tradicejis i jaunuos zynyošonys, kū grybam dareit zynomu pasauļam.
Uz sarakstu
